Laerskool Middelburg

LEERLINGRAAD

Ons Leiervoogde

Marilie Potgieter

Leierhoof

By Laerskool Middelburg speel ons leiers n baie groot rol.

Ons is opgewonde vir wat hulle sal bereik in 2024. Onthou: "Omarm elke nuwe dag: Sien geleenthede, wees dankbaar, en vind vreugde." - Dr. Steve Maraboli.

Leierskapontwikkeling is sleutel.

Saam met hierdie leiers se ouers, is ons ook baie trots op hulle en hoop dat hulle, as leiers, groot drome en ideale het vir 2024. Ons tema hierdie jaar is dan ook baie gepas: "We are all in this together"

Ons leiers gaan kamp saam met die voogde met die oog op: leierontwikkeling, om beter verhoudings te bou en om ons leiers geleentheid te gee om mekaar beter te leer ken. Die leiers ontvang deeglike opleiding vir onderskeie take wat hulle moet verrig tydens hulle termyn.

Daar is 6 verskillende portefeuljes waarop ons leiers kan dien. Elkeen van hierdie portefeuljes het hulle eie projekte en verantwoordelikhede.

Die leiers moet ten alle tye netjies wees. Ons informele leierdrag word op Vrydae en tydens geleenthede gedra wat die leiers werk. Vir die res van die week dra ons die spoggerige strepiesbaadjies, saam met ons skooluniform, en die kleintjies by die skool ken ons as: die maatjies-met-die-baadjies!

Die leiers het n groot aandeel daarin om ons skool ‘n spog skool te hou.

Elke leiertermyn, is 'n geleentheid - vir ontwikkeling, selfontdekking en groei, gryp dit aan. Anoniem het gesê dat geleenthede soos die sonsopkoms is, wag jy te lank, dan het jy dit gemis.

Vriendelike groete

Marilie Potgieter